Náms- og starfsráðgjafi

Í Gerðaskóla er náms- og starfsráðgjafi, Rakel Ólöf Andrésdóttir, sem er í 100% starfi við Gerðaskóla. Hlutverk náms- og starfsráðgjafa er fyrst og fremst að vera talsmaður og trúnaðarmaður nemenda og einnig að veita þeim ráðgjöf bæði í námi, störfum og einkalífi.

Nánar um náms- og starfsráðgjöf Gerðaskóla

Hlutverk náms- og starfsráðgjafa Gerðaskóla er að:

- Veita nemendum faglega ráðgjöf þannig að þeir eigi auðveldara með að setja sér markmið og ná settum markmiðum í námi sínu.
- Aðstoða nemendur við að skipuleggja heimanám sitt og leiðbeina nemendum um skipulögð og vönduð vinnubrögð í námi.
- Hjálpa nemendum að koma auga á styrkleika sína þannig að þeir nýtist sem best í námi.
- Aðstoða nemendur við að gera sér grein fyrir eigin áhugasviðum, gera raunhæfar áætlanir og meta hæfileika sína miðað við áhugasvið.
- Veita nemendum ráðgjöf um náms- og starfsval og -fræðslu um nám, störf og atvinnulíf.
- Taka þátt í að skipuleggja náms- og starfsfræðslu í skólanum.
- Undirbúa nemendur undir flutning milli skólastiga og/eða skóla.
- Sinna fyrirbyggjandi starfi, til dæmis vörnum gegn vímuefnum, einelti og ofbeldi í samstarfi við aðra, eins og t.d. starfsmenn skólans, bæjarfélagsins og félagsmiðstöðvar.
- Veita nemendum ráðgjöf í einkamálum, hjálpa þeim að setja sér markmið og taka meðvitaðar ákvarðanir um framtíð sína og einkamál.

Náms- og starfsráðgjafi er talsmaður nemenda og trúnaðarmaður.

Til að fá viðtal við náms- og starfsráðgjafa geta nemendur eða foreldrar sett sig í samband við náms- og starfsráðgjafa, umsjónarkennara, ritara eða skólastjórnendur. Hægt er að nálgast bækling um náms- og starfsráðgjöf Gerðaskóla hjá ritara skólans.

Gerðaskóli s: 4253050
rakel@gerdaskoli.is

Gagnlegt efni:

Náms - smakk